唔知戴口罩戴到幾時，出街得返對眼見人。既然重點落晒去對眼度，一對眉毛認真要搞搞佢。我除咗懶之外仲出名手殘，要每朝自己慢慢畫到靚畫都對稱，實遲到都得啦...所以我都係決定出去比專家幫我搞掂佢。我諗唔少朋友都知道我曾經出去整眉衰過一次，如果冇十足嘅信心我係唔會推介。今次推介呢間，係喺韓國十分之有歷史同口碑嘅美容學院嘅香港分校 Jessi Beauty Academy，上網做下Research就有好多Reference㗎喇！位置喺尖沙嘴心臟地段，上到嚟就立即見到滿滿嘅證書同獎牌～
今日上到嚟仲見到香港分校嘅院長Saki，原來佢哋啱啱擴充咗，又大又乾淨，可以訓張咁大嘅美容床整眉真係爽～（你知啦我身形都有啲肥大加嘛...）呢度仲有好多其他扮靚服務例如美甲同facial，非常之一站式㗎！
Jessi Beauty Academy嘅用品全部都係佢哋自家品牌，好處係一定有晒證書，安全可靠，而且夠晒Standaized，唔會次次都唔同色唔同質料，對顧客嚟講係有保障嘅。
呢度好專業，如果自己唔係好識咩嘢眉形或者顏色適合自己，你可以好放心咁交比呢度嘅美容師㗎喇。設計完眉形之後會敷舒緩膏，就開始喇～過程入面係會有少少感覺，feel到美容師一筆一筆咁繪畫眉毛，之後用醫療級儀器微針注色，唔痛，怕痛嘅朋友都唔使擔心呀！
講起半永久美眉，點解叫半永久，原來係因為呢度用嘅色乳係天然顏色，冇加到啲重金屬，所以顏色入到皮膚唔會有危險，相比起舊式嘅顏色冇咁持久，冇咁易會甩到變藍藍綠綠咁。而呢度提供3款唔同嘅飄眉／霧眉服務，我就嘅呢隻叫【歐美羽霧眉】，即係結合咗飄眉同霧眉兩款技術，會有仿真眉毛，立體，漸變嘅效果㗎！更多資料可以去呢度睇：http://jb.academy/?page_id=577
過程約一個鐘多少少，做完會敷返一個舒緩啫喱Mask，好似我皮膚好易紅好易敏感嘅人就啱晒喇！
比大家望望個效果先。歐美羽霧眉最好嘅地方係眉頭至眉尾漸變嘅效果，亦會見到仿真一條條嘅眉毛，非常之自然！而且康復期快，唔會結焦，立即出街都唔會再有「蠟筆小新」咁嘅眉毛。
拍埋Before And After比大家望真啲，我本身條眉啲色已經甩到7788，個型都唔係咁好睇。講起眉形，個潮流年年都唔同，所以半永久嘅技術係好好嘅一件事嚟！做完 Jessi Beauty Academy 歐美羽霧眉，顏色自然，接近我頭髮嘅顏色，眉形都附合自己嘅面形同埋我心水，最重要係佢唔係死實實嘅感覺，係超級自然！我立即Send咗啲相比我同事睇，佢都大讚好靚，成個人望落去精神咗好多，對眼都好似放大咗咁～
最後仲比咗幾包Cream我返去保養下條眉。呢段其間注意唔好飲酒，盡量唔好濕眉毛（但一般嘅清潔洗面係冇問題嘅），大概3～5日會甩皮，然後顏色會淺返少少，再過多一陣啲顏色會返返嚟㗎。呢度半永久美眉服務會包一次補色（半年內）補完色之後眉毛嘅顏色會Keep得持久啲。至於半永久即係幾耐？呢個真係因人而異。我經驗係約2年左右，但我個朋友就真係Keep到3、4年都仲好深色～美眉唔係女仔嘅專利，如果身邊有男性朋友條眉唔係咁好睇，都可以推介佢哋嚟試下，我聽美容師講佢哋都做過唔少男客人，所以對於設計男性眉毛都好有經驗㗎！想預約登記可以去呢度：http://jb.academy/?page_id=577
Jessi Beauty Academy
地址：尖沙咀加連威老道10號加威中心15樓1504室
官網：http://jb.academy/
Facebook: https://www.facebook.com/Jessi-Academy-Hong-Kong-107896504258435/
Instagram: https://www.instagram.com/jessi_hongkong/
Comments
Post a Comment