Clarins全新[5P]抗污染防曬霜SPF50

呢幾個星期真係曬曬曬曬曬，十個曬！出動曬防UV遮、闊邊帽先敢出街！防曬我一年四季都搽㗎！我諗經過咁多年嘅美容知識浸淫下，大家都知道UV係無處不在，唔係淨係見到太陽先至要搽防曬。咁唔知你又知唔知，其實出色斑、皮膚暗啞變黃，除咗主要元兇UV之外，仲有好幾個「幫兇」？佢哋分別係：空氣污染、藍光、光污染、甲醛、花粉！！今次要介紹嘅係一Take過隔絕曬呢度所有問題嘅Clarins全新[5P]抗污染防曬霜SPF 50！！

我幾鍾意呢支防曬，首先佢嘅質地好舒服，好Light，你知啦，呢幾日咁熱咁焗，加埋個口罩，我真係唔想塊面有啲太厚重嘅感覺。佢LIght得嚟防御能力超卓，已經有SPF50 PA+++！另外當然唔少得嘅係佢哋嘅革命性5P抗污染科研配方！！成份更加入極高抗氧力嘅有機芒果葉萃取，可激增肌膚防護力64%

一如既往，呢支防曬有我最鍾意嘅Clarins味（一陣好清幽嘅花香味）大家都知道我皮膚而家處於極度容易敏感嘅狀態，而Clarins呢支防曬我用咗我冇問題，佢嘅香味好舒緩、係舒服嘅。推開之後好薄，皮膚冇一撻撻，而右手邊係我用水噴到隻手濕晒之後影，見到佢冇留白印，可以唔使驚夏天有「流白汗」呢個經典尷尬場面。