帶你玩盡超力食品food tasting party 2021

美食節啱啱先過咗，唔去過唔知道原來陪住我成長嘅超力產品係咁多元化！！好開心參加咗呢個Party等我有機會見識到咁多產品種類，仲有得試食添！講起超力你諗起乜？係咪佢哋個廣告：「超～～力力力力力！！」（哈哈呢個真係出賣年齡系列）

有靚米粉自然有靚米，超力連日本珍珠米都有，要炮製日式美食完全冇難度！

超力水磨特級純凈糯米粉，用嚟整甜品一流，湯圓、年糕、麻糬，發揮創意，呢個係糯米滋朱古力爆炸糖呀！！

呢個士多啤梨／班蘭椰汁糕係用咗超力純淨木薯粉，口感Q彈，真係好唔錯～

北海道牛乳鮮粟米濃湯&澳州牛肉薏米蔬菜湯，呢個係超力旗下嘅米工場產品，主打低卡，健康輕食，仲有飯團等等，對我嚟講簡直係OT好物！

食咗甘多好嘢，點少得玩～大會請咗殿堂級漫畫家Bill Yim即席揮毫！哎呀好想得到佢親筆畫作，可惜我遲咗嚟到，Uncle Bill已經收緊畫筆喇（嗚嗚～）

我仲玩咗呢個Booth，30秒內夾出15粒眉豆。呢個Easy啦，我好細個已經用筷子食米粉㗎喇！

**產品/產品資料由品牌提供，真心分享，歡迎電郵查詢。

popcorn express