每逢轉季，尤其是踏入夏天呢啲又濕又熱嘅天氣，令我嘅濕疹問題又番嚟。尤其是雙手嘅「汗皰疹」，即係圍住啲手指出嘅一粒粒西米咁細嘅水泡，真係痕到難以言喻…… 唯有一直「忍忍忍」，同埋盡量用啲溫和啲嘅潔膚產品。唔知係唔係之前搽得太多酒精搓手液，今年對手係非常之咁痕……
如果你問我有冇咩好介紹？我會覺得呢隻Cetaphil舒特膚溫和潔膚露值得推介。首先佢有皮膚科&兒科醫生推薦，適合嬰兒及任何年齡人仕使用。另外佢有保濕成份，例如甘油，維他命B3&原B5，潔膚同時護膚，保濕舒敏。冇香料，冇類固醇，適合中性、乾性、濕疹、敏感肌膚使用。
同埋我覺得佢呢個樽口幾好，一擰開關，感覺衛生啲。
呢隻Cetaphil舒特膚溫和潔膚露係乾濕兩用，即係唔一定要加水搓。以前波仔仲要用尿片嗰陣我都會用唧呢隻落紙巾幫佢抹吓個屁股仔，清潔得嚟等佢個 Patpat唔駛咁紅，紓緩吓小朋友幼嫩嘅皮膚，洗走細菌。
加水搓呢隻都唔會起泡的，太多泡其實唔一定乾淨。佢冇泡，但你會發覺用後皮膚係好乾淨，冇晒膩笠感，同時間都幾潤，我自己就幾鍾意呢支比到我嘅感覺喇。一支可以洗面同body，全家都啱用，價錢大衆化，真係幾抵用。
講真，濕疹真係一個漫長嘅作戰，用咗佢，真係有舒緩嘅效果。而且作為預防濕疹，Cetaphil舒特膚溫和潔膚露係真係做到保濕嘅。成日都話預防勝於治療，起碼皮膚要有健康嘅屏障先至可以防止濕疹變得嚴重。當然濕疹嘅成因有好多，例如飲食、生活作息、壓力等等。希望各位濕疹之友都一齊捱過呢個轉季天氣！！
https://www.facebook.com/cetaphilhongkong/
https://www.cetaphil.com.hk/
舒特膚CetaphilHK #Cetaphil #敏感肌膚呵護月SkinAwarenessMonth #ThisIsSensitive #乾緊粗紅痕 #SensitiveSkin #舒特膚溫和潔膚露GentleSkinCleanser
Comments
Post a Comment